Sveinn Oddsson Mynd VÍÆ1
Sveinn Oddsson fæddist í Reykjavík 14. janúar, 1883. Dáinn í Winnipeg 29. nóvember, 1959.
Maki: 7. júlí, 1906 Margrét Ásgrímsdóttir f. í Swede Prairie, Yellow Medicine sýslu í Minnesota, d. í Minneapolis 25. apríl, 1944.
Börn: 1. Lúðvík Halldór f. 28. janúar, 1907, d. 1. maí, 1955 2. Ásgrímur Valdimar f. 18. apríl, 1909, d. 29. maí, 1917 3. Vilhjálmur Baldur f. 12. janúar, 1911 4. Margrét Elísabet f. 19. janúar, 1915, d. 23. desember, 1915.
Sveinn varð prentari í Reykjavík en flutti vestur til Winnipeg í Manitoba árið 1903 og vann við prentun á Lögbergi þar í borg. Flutti til Minneota í Minnesota og vann við prentun á Vínlandi og Minneota Mascot. Sneri aftur til Winnipeg og prentaði Lögberg árin 1909-1911 en fór þaðan vestur til Wynyard í Saskatchewan og gaf út vikublaðið Wynyard Advance í 12 ár. Vann seinna við prentun í Wisconsin, Minneapolis og enn og aftur í Winnipeg.