Frá hægri: Stígur, Leópold, Kristinn, Vilborg, Theodor, Anna og Halldóra. Myndin tekin 1907 fyrir fram bæ þeirra í Vatnabyggð. Mynd RbQ
Leópold Jóhannesson fæddist í Eyjafjarðarsýslu 15. nóvember, 1876 . Dáinn í Saskatchewan 27. október, 1936. Skrifaður Leo Halldorson vestra.
Maki: 20. desember, 1900 Vilborg Runólfsdóttir f. 1877 í S. Múlasýslu, d. 7. janúar, 1940.
Börn: 1. Anna Jónína 2. Kristinn 3. Halldóra 4. Theodor 5. Stígur 6. Elvin 7. Ólafur Elmer 8. Þórunn
Leópold var sonur Jóhannesar Halldórssonar og Önnu Hólmfríðar Sigurðardóttur úr Eyjafjarðarsýslu. Þau fóru vestur árið 1878. Hann ólst upp í Hallson í N. Dakota og flutti með föður sínum í Roseau í Minnesota árið 1895 og þaðan í Vatnabyggð í Saskatchewan árið 1907. Þar nam hann land í Wynyardbyggð og bjó þar.