Grace Mabel Jónsdóttir Mynd VÍÆ III
Grace Mabel Jónsdóttir fæddist 19. desember, 1894 nærri Mountain í N. Dakota. Grace M Thorlakson og seinna Johnson vestra.
Maki: Björgvin Sigurðsson f. 15. janúar, 1894. Bjorgvin Johnson vestra.
Börn: 1. Björgvin Sigurjón Robert f. í San Francisco 4. janúar, 1928 2. Valdimar Kristinn f. í San Francisco 12. febrúar, 1929.
Grace var dóttir Jóns Valdemars Þorlákssonar og Petrínu Guðnadóttur, landnámsmenn í N. Dakota. Hún lauk kennaraprófi frá ríkisháskólanum í N. Dakota og kenndi í ýmsum skólum í Norður og Suður Dakota. Meðan á námi hennar stóð stundaði hún jafnframt nám í tónlist og söng, söng í ýmsum kórum og oft sem einsöngvari. Hún gekk í hjónaband í Chicago og flutti svo til Winnipeg með manni sínum. Seinna fluttu þau til Kaliforníu og settust að í Oakland.