Bernharður Jónsson

Bernharður Jónsson fæddist í Mosfellssveit í Kjósarsýslu árið 1857. Bernhard Johnson vestra. Dáinn í Saskatchewan árið 1910.

Maki: 1889 Valgerður Eiríksdóttir f. í Árnessýslu árið 1859.

Bernharð fór vestur til Winnipeg í Manitoba árið 1883 og þaðan áfram í Þingvallabyggð í Saskatchewan þar sem hann var einn af fyrstu landnemunum. Valgerður fór vestur með fjölskyldu Eiríks Ingimundarsonar árið 1887 en hún var vinnukona á heimili hans. Bernharður og Valgerður fluttu í Vatnabyggð í Saskatchewan árið 1896 og voru með fyrstu landnámsmönnum nærri Foam Lake.