John S Johnson

John Sigmundsson Johnson fæddist 4. september, 1880 í Pembina í N. Dakota. Dáinn 17. júní, 1960 í Stafholti í Blaine.

Maki: 24. febrúar, 1904 Sigríður Vilhelmína Kristjánsdóttir f. 1883 á Grundarhóli í Argylebyggð, d. 17. október, 1957 í Washington. Hún var dóttir Kristjáns Árnasonar og Þóru Jónsdóttur sem vestur fóru frá Ófeigsstöðum í S. Þingeyjarsýslu árið 1878.

Börn: 1. Beatrice dó barnung 2. John Herman f. 25. október, 1905 3. Thora f. 18. nóvember, 1921.

John ólst upp í N. Dakota en flutti með foreldrum sínum, Sigmundi Jónssyni og Soffíu Björnsdóttur, í Argylebyggð í Manitoba árið 1902. Hann og Sigríður fluttu vestur að Kyrrahafi árið 1924 og bjuggu í Blaine.