Einar Árnason Mynd VÍÆ I
Einar Árnason fæddur í Winnipeg 7. júní, 1910. Dáinn 16. júní, 2000 í Winnipeg.
Maki: 27. janúar, 1940 Kristjana Þóra Jóhannsdóttir f. í Barðastrandarsýslu 20. október, 1905, d. í Winnipeg árið 1997. Þóra (Thora) Arnason vestra.
Barnlaus: Kjördætur 1. Yvonne f. 13. janúar, 1941 2. Jan Elizabeth f. 17. október, 1950.
Einar var sonur séra Guðmundar Árnasonar sem flutti vestur árið 1901 og Sigríðar Einarsdóttur sem fór vestur árið 1890. Einar flutti með foreldrum sínum til Oak Point í Manitoba árið 1919 þar sem hann ólst upp og byrjaði ungur að veiða í Manitobavatni með föður sínum. Hann lauk verkfræðiprófi frá Manitobaháskóla árið 1937, var verkfræðingur hjá kanadíska járnbrautafélaginu C.N.R. í Winnipeg og Toronto 1937-1939. Var í kanadíska hernum 1939-1945 hlaut ýmsar viðurkenningar. Stofnaði eigið fyrirtæki Plaxlab Products í Winnipeg. Þóra flutti vestur með foreldrum sínum, Jóhanni Magnússyni og Ólöfu Össurardóttur árið 1911. Sjá meira um Einar að neðan, Íslensk arfleifð.