Árni Valdason

Árni Valdason: Fæddur í Mýrasýslu árið 1859. Dáinn í Blaine árið 1904

Maki: Sigríður Árnadóttir f. í Mýrasýslu árið 1859.

Börn: 1. Súsanna 2. Lára 3. Adolph 4. Albert

Árni mun hafa farið vestur 1888 en Sigríður fór vestur 1887. Þau kynntust í Winnipeg og gengu þar í hjónaband. Hann keypti land nærri Glenboro í Argylebyggð árið 1890 og bjó á því í átta ár. Flutti þaðan aftur til Winnipeg og bjó þar í fjögur ár. Árið 1902 flutti hann vestur að hafi og keypti land suður af Blaine í Washingtonríki. Að Árna látnum seldi Sigríður landið og flutti til Blaine.